SAMORKUÞING 2021

RÁÐSTEFNA UM ORKU- OG VEITUMÁL

Samorkuþing 2021 verður haldið dagana 30. september – 1. október í Hofi á Akureyri. Nú skal haldið upp á 25 ára afmælisþing samtakanna sem fór á frest árið 2020 – og er ætlunin enn að gera Samorkuþingið hið allra öflugasta hingað til.

SKRÁNING ER HAFIN! Skráningarform má finna neðar á síðunni.

Boðið verður uppá fjölbreytta dagskrá með metnaðarfullum erindum og vinnustofum þar sem fjallað verður um alla þætti starfsemi aðildarfyrirtækja Samorku: Hitaveitur, vatnsveitur, fráveitur, framleiðslu, flutning, dreifingu og sölu á raforku – frá mörgum hliðum – allt frá auðlindum, framkvæmdum, stoðstarfsemi og til samskipta við viðskiptavini. Þá verða ýmis mikilvæg sameiginleg málefni tekin fyrir í sérstökum málstofum og vinnustofum, t.d loftslagsmál, skipulagsmál, veitustarfsemi, orkustefna, orkuskipti, jafnréttismál, orkuöryggi, samskiptamál, umhverfismál og fleira.

Gert er ráð fyrir að þingið verði sett kl. 9.45 fimmtudaginn 30. september í og því ljúki um kl. 16 föstudaginn 1. október. Full dagskrá verður birt á vef þingsins, samorkuthing.is, í ágúst.

Upplýsingar um gistingu á Akureyri og flug eru neðst á þessari síðu.

VÖRU- OG ÞJÓNUSTUSÝNING

Á þinginu verður glæsileg vöru- og þjónustusýning þar sem helstu samstarfsaðilar orku- og veitufyrirtækja landsins verða á staðnum.

HÁTÍÐARKVÖLDVERÐUR

Hátíðarkvöldverður í Íþróttahöllinni verður á sínum stað á fimmtudagskvöldinu. Fordrykkur og svo glæsilegur þriggja rétta kvöldverður í kjölfarið. Hinn vinsæli dúett Hundur í óskilum sér til þess að gestir hafi sig alla við að halda matnum niðri vegna hláturskasta.

 

 

 

 

 

 

 

 

Magni Ásgeirsson, Rúnar Eff, Bryndís Ásmunds og hljómsveit kóróna svo kvöldið með hressilegu balli.

 

 

 

 

 

 

 

NETAGERÐ FYRIR NÝLIÐA

Ungt fólk og nýliðar í orku- og veitugeiranum eru boðnir velkomnir á Bryggjuna á Akureyri í hádeginu fimmtudaginn 30. júní til að sýna sig og sjá aðra!

Pétur og Kolbrún Lilja hjá Leikfélagi Akureyrar hrista hópinn skemmtilega saman.

 

 

MAKA- OG GESTAFERÐ

 

Makar og aðrir gestir fá heilmikið fyrir sinn snúð á Samorkuþingi.

Fimmtudaginn 30. september verður haldið af stað til nýja heimabæjar okkar allra, Húsavíkur, þar sem nýja Eurovision safnið verður heimsótt, dýrindis kjötsúpa verður í boði á Ja Ja Ding Ding, smakkferð á Húsavíkur Öl ásamt hinum ýmsu stoppum á leiðinni til og frá bænum.

Fararstjóri er Vilhjálmur „vandræðaskáld“ Bragason.

Ítarleg dagskrá verður birt síðar.

 

 

 

 

 

 

SKRÁNING: Vinsamlegast hakið í allt sem við á. 

 

    Vinsamlegast hakið í allt sem við á:

    Ég mæti á Samorkuþing 2021 - 49.000 kr.
    Ég er sýnandi á Samorkuþingi 2021 (Sýnendur greiða ekki þátttökugjald, hakið er til að fá nafnspjald)
    Ég mæti á netagerð fyrir nýliða og ungt fólk í geiranum á Bryggjunni - ókeypis
    Hátíðarkvöldverður - 17.900 kr.
    Hátíðarkvöldverður maka - 17.900 kr.
    Ég vil grænkeramáltíð
    Maki vill grænkeramáltíð
    Makaferð - 12.500 kr.

    Nafn maka (fyrir nafnspjald)

     

    FLUG TIL AKUREYRAR

    Fyrsta vél Icelandair að morgni 30. september fer kl. 7.10 frá Reykjavíkurflugvelli. Icelandair bætir ekki fleiri vélum við fyrr en vélin sem er þegar á áætlun er orðin fullbókuð. Við biðjum gesti að bóka sig því sem fyrst sé ætlunin að fljúga þennan morgun. Við minnum einnig á að einhverjir gætu átt inneign frá 2020 sem gildir enn.

    Flugkóðar verða ekki í boði en Icelandair gefur tilboð í flug fyrir 10 eða fleiri. Beiðni um slíkt er fyllt inn á heimasíðu þeirra: https://www.icelandair.com/is/pakkaferdir/hopabokun/

    GISTING FYRIR GESTI SAMORKUÞINGS

    Tekin hafa verið frá herbergi á tveimur stærstu hótelunum á Akureyri. Hvert og eitt aðildarfyrirtæki sér svo um að bóka þau til sín með eftirfarandi hætti:

    ICELANDAIR HÓTEL: UPPFÆRT – FULLBÓKAÐ.
    Til að bóka þarf að senda póst á miceres@icehotels.is og vísa í bókunarnúmer 559946 eða taka fram Samorkuþing.

    KEA HÓTEL: UPPFÆRT – FULLBÓKAÐ.

    Til að bóka þarf að senda póst á disarun@keahotels.is og vísa í bókunarnúmer 20827581.

    Sæluhús:

    Tekin hafa verið frá fjögur hús og 10 stúdíóíbúðir hjá Sæluhúsum.

    Húsin eru með heitum potti og taka 7 manns (ath að eitt herbergjanna er kojuherbergi). Verð 35.000 nóttin.
    Stúdíóíbúð með heitum potti: 14.500 kr. nóttin.

    Til að bóka skal senda póst á saeluhus@saeluhus.is og vísa í bókunarnúmer 474182A.

     

    Hótel Akureyri, Hafnarstræti:

    Samorka á frátekin 12 herbergi og einhver fleiri eru laus til viðbótar þar og á gistiheimilinu Akurinn. Hringja á í síma 462-5600 til að bóka, herbergin eru á nafni Samorku.

     

    Hótel Centrum, Hafnarstræti: UPPFÆRT – FULLBÓKAÐ.

    Samorka á frátekin 18 herbergi, þar af fimm stúdíóíbúðir. Til að bóka skal senda póst á reception@centrum-hotel.is, bókunarnúmer 22801363 og taka fram Samorkuþing. Einnig er að hægt að hringja í síma 773-6600. Hægt er að bæta við morgunmat.

    Ef fleiri herbergjum verður bætt við á öðrum stöðum í bænum bætast þær upplýsingar þá hér við.

     

    Hótel Kjarnalundur, Kjarnaskógi:

    Samorka á frátekin um 40 herbergi fyrir gesti Samorkuþings. Til að bóka skal senda póst á info@kjarnalundur.is og taka fram að að þið viljið herbergi sem eru á nafni Samorku. Einnig er hægt að hringja í síma 460-0060.